客串李思捷《一家大晒》“灿哥”廖伟雄好艳福

近年北上种“有机米” 嘅廖伟雄（灿哥），最近被李思捷诚意打动，客串佢自导自演嘅贺岁新片《一家大晒》，戏中佢饰演李思捷老板，办公室内有多位性感比坚尼女郎做陪衬，认真好艳福！

撰文：东方新地

延伸阅读：

苏民峰指点迷津 2018狗年十二生肖运程完全睇

《溏心3》喊戏获讚赏 岑丽香：多谢网民支持

灿哥对上一部拍嘅港产电影已经系2001年嘅《漫画风云》，今次相隔17年再出山，灿哥话片酬只属其次，重点系导演李思捷交出咗二百分诚意：“其实思捷畀剧本我睇时，我唔想拍，因为实在太忙冇时间，更加唔想分心拍戏，影响农场嘅工作，但后来思捷专诚到我位于广州花都嘅农场揾我，诚意十足，想推都推唔甩，但我事先声明，只有一日档期可以帮忙拍摄！”

问到酬劳系咪好吸引？灿哥直言就算收一蚊酬劳都会拍：“钱，大家都未倾，事实系我依家唔系靠演艺行业揾饭食，多与少唔系重点，畀一蚊又好，唔畀都好，我当玩吓客串冇所谓！”

延伸阅读：

陈凯琳《平安谷》演技跃进 多得男友郑嘉颖？