岑丽香日前出席《溏心风暴3》祝捷慰劳宴,庆祝剧集大结局当晚有30点收视,及内地网上有高达15亿嘅点击率。对于剧中爆喊戏分获网民讚赏,香香话好多谢网民支持,笑言:“其实我唔系好敢睇网上嘅留言,有啲惊,唔知网民反应系点,好紧张!”
撰文:东方新地
图片:新传媒图片库
延伸阅读:
陈凯琳《平安谷》演技跃进 多得男友郑嘉颖?
41岁宣布陀第四胎 张新悦:一不小心又有咗!
《溏心3》一众演员包括李司棋、夏雨、关菊英、岑丽香、黄翠如、阮兆祥等都有出席今次祝捷慰劳宴,讲到最近网上有很多网友大讚香香演技进步咗好多,尤其系喺连场喊戏上,香香话好多谢网民支持,又透露自己其实唔太敢去睇网上嘅留言:“虽然好多同事话一定要睇吓网民嘅留言,但自己就有啲惊,唔知道网民反应系点样。当人哋讲番畀我听,话网民讚我演得好,我都好开心,都希望自己真系有进步!”问到觉唔觉得自己演技进步咗?佢就回应:“当然希望真系进步咗,我觉得自己仲有好长嘅路要行,希望可以做得更加好啲!”
香香在出席活动前刚和老公强强返完加拿大探亲,之后又赶赴度假天堂马尔代夫充电,大歎阳光与海滩!香香仲在网上晒出不少靓相,同网友分享佢同老公嘅甜蜜之旅,其中有部分仲系由老公强强视角出发,为靓靓人妻留下最美一刻,超sweet!
延伸阅读:
初出道被指似金城武 Shine黄又南:我唔介意人话似