流感肆虐 黄浩然囝囝都中招

近日流感肆虐，连黄浩然两个囝囝都中晒招，黄浩然自爆细仔先被同学仔感染，之后哥哥亦开始发病，为咗唔好再交叉感染，佢哋一家四口都戴晒口罩瞓觉，好在病咗一个礼拜后，依家两兄弟终于好番晒！

撰文：东方新地

图片：新传媒图片库

延伸阅读：

女人美臀大 5个优点～聪明又好生养！

点解要买侏儒头骨？Nicolas Cage尼古拉斯基治 7大奇怪收藏

3年前一场大病，令黄浩然醒觉家人及健康比工作更重要，最近寒流袭港，踏入冬季流感高峰期，而近日更有儿童死于流感嘅个案。日前黄浩然出席新剧宣传活动时自爆两个囝囝都先后中招感染流感，已有一个礼拜冇返学，好在依家已经好番晒：“系有个同学仔病先，然后细佬就中招，开始食药，之后哥哥又开始有症状，好彩我同太太冇事，我哋全家都戴晒口罩瞓，除咗食饭都戴住口罩保护自己，抖气系有啲辛苦，但一定要系咁！”

日前黄浩然嘅太太莫家嘉上载和儿子卖旗的照片，两个囝囝虽然好番，但卖旗时都有戴上口罩！

虽然近日忙于宣传新剧《平安谷之诡谷传说》，但一有时间黄浩然都会选择陪屋企人，最近佢大仔Kayden入读传统名校华仁小学，面对香港读书压力，黄浩然刻意减产，负起培训儿子重任，得閒更会带两个囝囝去公园放电、跑吓咁，等佢哋玩得尽兴就冇事，自己试过好多方法，但暂时呢个方法系最好。工作好忙碌嘅佢都唔系将照顾家庭嘅负任全交畀老婆，佢话好彩最近有一个假期可以陪伴囝囝，多一啲时间陪佢哋都会令父子感情增加。

加入无线多年一直搏杀拍剧的黄浩然，14年患上罕见的“贝赛特氏症”要停工养病一年，康复后他不再盲目冲刺，选择一切以家庭为重，为了有健康的身体照顾太太莫家嘉(KaKa)及两个可爱的儿子(6岁Kayden及4岁Ransley)，黄浩然放弃演艺事业上的斗争享受慢活。黄浩然对住囝囝是个温文的绝世好爸，陪读书陪游戏，软硬兼施亲力亲为凑仔。

延伸阅读：

见蔡思贝拎奖黑晒面 唐诗咏解画称M痛