拍拖八年结婚两年 徐天佑：同太太计划生BB

组合Shine徐天佑与黄又南，继2012年的《Shine Passion Live》跨年骚后，敌逢今年系佢哋出道15年，两人觉得ready可以再喺红馆开个唱，于是入纸申请6次，终成功取得红馆档期，Shine将于3月2及3日再踏红馆举行第二次《Shine Moments Live 2018》演唱会，二人事业有成，讲到感情生活，天佑在2015年11月迎娶了拍拖八年的圈外女友兼中学师妹Olive，讲到生B计划，他指当初结婚时仲未ready好，感觉有太多顾虑，但经过两年多婚姻生活后，他的想法已经改变：“同老婆倾过，依家计划紧，忙埋呢排先啦！”

撰文：东方新地

图片：新传媒图片库

延伸阅读：

麦玲玲话你知 2018狗年 肖兔运程

麦玲玲话你知 2018狗年 肖龙运程

徐天佑两年前跟旧同学走进教堂共谐连理，他自己都话觉得好难得：“我同佢拍拖嗰个年代，出街仲系唔拖得手、鬼鬼祟祟、又惊畀人影到，我觉得点解个世界仲系咁，所以我先至公开，到两年前我老婆都三字头，我就谂我唔系吓吓谂住自己嘅新闻，都系时候结婚嘞。之后外间同粉丝嘅反应又OK㖞，原来大家都好支持！”

被问到咁多年嚟有冇女仔埋身？徐天佑答：“其实都有遇到嘅，但因为我认识一个人之后，要有长啲嘅时间至发展到，要有好熟嘅感觉先得，要我认识一个新嘅人，重新去培养感情，唔系咁易，所以可能我畀人感觉专一啲。”徐天佑又讚老婆令他学识储钱：“我之前一个人有几多使几多，反而系识咗我老婆，先知道原来系要储钱。”

讲到结婚两年多，有冇计划生B？徐天佑笑言：“有呀，啱啱结婚嘅时候，我系未ready，太多顾虑，我自己谂好多嘢，生出嚟，边个睇住佢、工人会唔会整亲佢，乜嘢都谂，依家结咗婚两年，同老婆倾过，又觉得好似ready啲，依家计划紧，忙埋呢排先啦！”

延伸阅读：

麦玲玲话你知 2018狗年 肖蛇运程