双料视帝唔恨奖 陈豪幸福凑仔

陈豪07年凭《溏心风暴》“得得地”一角夺双料视帝，转眼10年，依然系TVB一哥的他，在台庆剧《夸世代》演出大获好评，不过事业家庭两得意，陈豪已经睇淡奖项，不单冇落力为自己拉票，颁奖礼只是陪坐替人高兴，亦毫不介意。现时贵为三个小朋友父亲的他，努力工作赚钱之外，宁愿多抽时间凑仔照顾家庭，奖项只系锦上添花！

撰文：东方新地

图片：新传媒图片库及网上图片

延伸阅读：

拍网剧扮PTU 阿Sa假发上阵 林峯签古天乐经理人

“大小姐”林淑敏失落女配角 获“送水辉”送花呵番

为畀囝囝有理想学习环境，陈豪夫妇安排大仔梓烨Aiden入读位于半山波老道的“幼童乐园人协会幼儿园”，每日唔怕山长水远来回三个钟头车程凑仔返学。日前陈豪同陈茵媺一齐接大仔放学，老婆入学校接大仔Aiden，他就同细仔Nathan在外边等，不停逗囝囝睇风景等妈妈和哥哥。待陈茵媺接咗大仔Aiden离开学校，两公婆火速安排两个小朋友上车，但大仔仲挂住睇图书，令二人显得有点手忙脚乱。

大仔梓烨（Aiden）已经四岁，孻女凯婷Camilla亦快将两岁，同陈茵媺出名系模范夫妻的陈豪，家庭事业美满，一直羡煞旁人，好好先生陈豪更表示，工作以外，全部时间留给家人。据知情者透露：“本身阿Mo就好黐家，有咗小朋友之后，佢更加觉得时间几乎唔够用，依家大仔开始返学， Aimee要打理屋企大小事，又要照顾小朋友，每日为仔女准备餐单、教功课及安排兴趣班，佢觉得老婆已经好辛苦，所以一有时间就会分担老婆工作，尽量朝早都会负责凑仔返学，依家《夸世代》完晒，嚟紧三个月阿Mo都会放假陪屋企人，加上Aimee仲有戏瘾，有啱嘅工作佢都想老婆可以做自己锺意嘅嘢，所以两公婆协议好，尽量迁就大家嘅工作档期，一个开工，另一个就负责凑仔女，唔可以忽略啲小朋友！”

陈豪07年凭《溏心风暴》“得得地”一角夺双料视帝，转眼10年，依然系TVB一哥的他，在台庆剧《夸世代》演出大获好评，更有份提名视帝，虽然最后未有获奖，但陈豪赛前接受本刊访问，讲到有冇信心攞奖，佢话：“信心不嬲都够，不过睇吓有冇运啦！去到人生依家呢个阶段，睇嘅唔止咁多，以前可能放好多喺奖项上，但依家睇奖项系一个奖励，同时系一份运气，经过咁多年会明白唔可以强求，所以如果有嘅话，I think is ok！倒转如果冇唔好对自己失信心，奖唔系定一个成唔成功，成功系在于努力，努力有机会成功，唔努力就唔使旨意成功！”佢又话为家人而努力工作，系佢嘅源动力，因为团火依然存在，希望可以保持竞争性！

陈豪在50集台庆剧《夸世代》演亦正亦邪角色邝港生，有份竞逐今届台庆颁奖礼“最佳男主角”奖，不过，演出口碑好，陈豪却睇淡奖项，还落力帮王浩信、夏雨、李佳芯拉票，周日（21日）的台庆颁奖礼，自己只出席陪坐替人开心。陈豪好友透露：“阿Mo对演出好有要求，虽然为咗《夸世代》个角色，佢狂操健身又好仔细咁钻研角色性格，但见到咁多人讚佢已经好开心，最后《夸世代》攞到最佳剧集，佢都觉得好意外。佢觉得每个被提名嘅演员，背后都付出好多努力，奖项就只得几个，攞唔到唔代表唔好，努力亦唔系只为奖项，自己一定要有搏杀精神。加上佢见到王浩信、李佳芯近年好努力，有啲自己当年嘅影子，一样好戏，所以都好支持佢哋！佢哋攞到奖，佢一样开心！”

陈豪早前接受本刊访问，话佢同太太陈茵媺嘅手机日历系同步，大家都知大家嘅行踪，他说：“我现在育有两子一女，所以两夫妻之间日历系同步，咁我哋先可以安排好我哋嘅时间凑小朋友，因为坦白讲都几多嘢做吓！如果我哋大家唔一致乱七八糟会好难安排！”被记者问到系咪冇私人时间，他笑说：“私人时间？晨早冇咗啦！依家系陈豪＝家人！”真系顾家好男人！

自从2013年陈豪同陈茵媺结婚后，三年抱三。三年抱三追女成功，陈豪说过“有BB都系天赐嘅喜悦，有埋个女就系上天圆满我嘅人生。”所以三个小宝贝都系二人的快乐泉源！陈豪同陈茵媺因为要照顾小朋友，所以直言好少时间可以二人世界，经常要分配时间照顾仔女，如果佢哋想二人世界嘅时候系会同小朋友去解释爸爸妈妈去边、做咩，会当小朋友系大人，等小朋友会有心理准备，唔会扭计话要一齐出去。而讲到近日社会接连发生虐儿案，陈豪认为传统中国人用体罚教仔，会伤害到孩子的心理及生理，佢同陈茵媺认为应多鼓励子女，增强自信心！

延伸阅读：

林嘉欣搞展览 群星捧场 子华神朝圣：你好有眼光！