孖囝囝出骚揾钱 黎诺懿教香香造人秘技

黎诺懿与岑丽香前晚出席迎新春揭幕礼，黎诺懿首次带埋囝囝“小春鸡”黎峰睿齐齐亮相，有子万事足嘅诺懿更即席向香香传授生仔秘技㖭！

撰文：东方新地图片：东方新地

延伸阅读：

手机蓝光劲伤身！美国研究：“睡前玩手机令人变笨无记性！”

奶奶赐亿半豪宅 陈伶俐再掷千万开餐厅

对于两父子首次拍住上工作，黎诺懿表示非常开心，既可以一起赚钱，又可以当亲子活动，一举两得！说到儿了子比他厉害，年纪轻轻就已经可以出来赚钱，诺懿话唔介意囝囝出席公开活动，但拍电视剧就免问：“佢赚钱叻过我细个，迟啲养埋爸爸，咁爸爸就可以全职照顾佢。出席活动、拍广告都冇所谓，不过拍剧就唔好，因为太辛苦，依家流感咁犀利，录影厂又多菌，如果佢病咗我老婆会杀咗我。”诺懿扬言希望明年追番个猪女，实行凑个“好”字后老婆就可以封肚收工。

至于一直努力造人嘅岑丽香见到可爱嘅“小春鸡”，都忍唔住要逗对方玩，香香话唔希望为生B令自己有太大压力：“讲太多以为我有咗，唔讲又以为我唔想生，生或者唔生最好就系冇压力，顺其自然。”身旁嘅黎诺懿仲即席向香香传授生仔秘技：“生仔就拣朝早做，因为两个都系最精神、最活跃嘅时候，生女就要夜晚做。”不过香香就话生仔还是生女都唔到佢拣，总之一切顺应天命：“仔女都冇所谓，今时今日男女都一样。”

延伸阅读：

中华小姐前哨战 观众至Like才艺表演……